Қор туралы
«Шин-Лайн» Корпоративтік Қайырымдылық Қоры – Қазақстанда әлеуметтік және қоғамдық маңызы бар жобаларды жүзеге асыру үшін құрылған коммерциялық емес ұйым. Қор Қазақстан Республикасының Конституциясы мен заңнамасына сәйкес жұмыс істейді.
Қор қызметінің негізінде келесі қағидаттар жатыр:
- еріктілік,
- өзін-өзі басқару,
- ашықтық,
- өзін-өзі қаржыландыру.
Қорға түскен барлық қаражат тек қайырымдылық мақсаттарға жұмсалады. Қордың басты мақсаты – пайда табу емес.
Қордың мекенжайы:
Қазақстан Республикасы, Алматы облысы, Іле ауданы, Байсерке ауылы,
Алматы–Жетіген автожолының 22 км 500 м, 58-ғимарат.
Біздің мақсатымыз
Біз әділетті, мейірімді және қамқор қоғам құруға ұмтыламыз. Қызметіміздің негізгі бағыттары:
- Әлеуметтік осал топтардағы балалар мен аз қамтылған отбасыларға көмек көрсету;
- Денсаулық сақтау, білім беру, экология, ғылым, мәдениет және спорт салаларындағы жобаларды қолдау;
- Мүмкіндігі шектеулі балалардың қоғамға кірігуіне жәрдемдесу;
- Төтенше жағдайлар кезінде зардап шеккендерге көмек көрсету;
- Қоғамдағы әлеуметтік мәселелерге назар аудару;
- Ізгі істерді жүзеге асыру үшін серіктестер мен ресурстар тарту.
Қандай жұмыстармен айналысамыз
- Қайырымдылық іс-шаралары мен ақпараттық науқандар өткіземіз;
- Мемлекеттік және мемлекеттік емес ұйымдармен серіктестік орнатамыз;
- Балалар мен олардың отбасыларына психологиялық және кеңестік қолдау көрсетеміз;
- Мақсатты топтардағы балалардың шығармашылық, білім беру және спорттық бастамаларын қолдаймыз;
- Балалар мен отбасылардың проблемалары туралы қоғамның хабардарлығын арттырамыз.
Қаржыландыру көздері
Қор қызметі келесі көздерден қаржыландырылады:
- Құрылтайшының жарналары;
- Ерікті мүліктік жарналар мен қайырымдылықтар;
- Заңнамада рұқсат етілген тауарлар, жұмыстар мен қызметтерді сатудан түскен кірістер;
- Бағалы қағаздар мен депозиттерден алынған дивидендтер, пайыздар және басқа да табыстар;
- Заңмен тыйым салынбаған басқа да кіріс көздері.
Қордың жұмысына ерекше үлес қосатын – «Мишка на полюсе» пломбирін (100 г) сатып алатын әрбір тұтынушы.
«1% қайырымдылыққа» белгісі бар осы өнімнің бағасының 1% Қорға аударылады және әлеуметтік әрі қайырымдылық жобаларын іске асыруға бағытталады.
«Мишка на полюсе» сатып ала отырып, сіз мұқтаж балалар мен отбасыларға көмектесесіз.
