Мейірімділік күні қарсаңында Шин-Лайн қазақстандық тобы Алматы қаласындағы «Түрксіб ауданы мүгедектерінің ерікті қоғамы» белсенділеріне алғыс хаттар табыстап, олардың жанашырлықпен атқарып жүрген еңбегіне шынайы ризашылығын білдірді.
Бұл қадам – ерекше күтімді қажет ететін адамдарға күн сайын қолдау көрсетіп жүрген жандарға деген құрмет пен қамқорлықтың белгісі. Осы жандардың арқасында көптеген азаматтар нақты көмекке ие болып, өмірге сеніммен қарай бастайды.
Shin-Line қайырымдылық қоры волонтерлік мәдениетті дамытуға және мейірімді, адамгершілікке негізделген қоғам құруға қосқан үлесі үшін белсенділерге ерекше алғысын білдіреді.
Біз мұндай игі істерге қолдау көрсету арқылы өзгелерді де жақсылық жасауға шабыттандыра аламыз деп сенеміз. Бұл қоғамдағы әлеуметтік бірлікті нығайтудың маңызды жолы.
