2025 жылғы 10 тамызда Астанада кардиохирургияны, трансплантологияны дамыту және ағза донорлығы мәдениетін насихаттауға арналған «Juregimnin Jenimpazy» әлеуметтік-спорттық жүгіру-фестивалі өтті. Бұл шараға серіктес ретінде «Shin-Line» компаниясы да қатысып, еліміздің түкпір-түкпірінен келген мыңдаған азаматтармен бірге белсенділік танытты. Әр қонақ қалаған сомасына балмұздақ сатып алып, түскен барлық қаражат «Heart Center Foundation» қайырымдылық қорына автоматты түрде аударылды. Бұл тәсіл спорттық оқиғаны маңызды әлеуметтік миссиямен ұштастырды.
«Біздің еліміз – Орталық Азияда трансплантация мен өлімнен кейінгі донорлық дамыған жалғыз мемлекет. Бұл – елдің даму деңгейінің көрсеткіштерінің бірі. Алғашқы жүрек трансплантациясы жасалғанына тура 13 жыл толды. Содан бері ота саны айтарлықтай артты. Juregimnin Jenimpazy жобасы қоғамда донорлық туралы түсінікті қалыптастыру үшін өткізіледі. Бұл жобаның құндылығын көрсетеді», – деп атап өтті Қордың негізін қалаушы және UMC Басқарма төрағасы, дәрігер Юрий Пя.
Жүгіру шамамен 4,7 мың қатысушыны жинады. Олардың қатарында дәрігерлер, қоғам белсенділері, бизнес өкілдері және трансплантациядан өткен реципиенттер болды. Ынтымақтастық туралы меморандум аясында Қор Республикалық трансплантацияны үйлестіру орталығына 15 млн теңге көлемінде грант берді. Дайындық екі ай бұрын басталып, Ботаникалық бақтағы «Сый» инсталляциясы жанында тегін жаттығулар өткізілді. Оған шамамен 1 мың адам қатысты. Шараны шағын және ірі бизнес, сондай-ақ екінші деңгейлі банктер қолдады, бас демеуші — Home Credit Bank.
