2025 жылғы 5 тамызда Алматы қаласында «Шин-Лайн» компаниясы мен DairyNews.today ақпараттық-талдамалық басылымы ұйымдастырған «Фермер мектебі» семинары өтті. Бұл іс-шара сүт жеткізушілерінің серіктестік желісін дамыту және мал шаруашылығындағы кәсіби білімді арттыру мақсатында ұйымдастырылды.
Семинардың басты назарында ірі қара малды азықтандыру, денсаулығын сақтау және өнімділікті арттырудың заманауи әдістері болды. Кездесу барысында халықаралық және отандық сарапшылар — ветеринария ғылымдарының докторы Александр Радионов (Zinpro Corporation), Еркебұлан Әлімхаев («Кормовик» ЖШС) және Орталық Азиядағы Zinpro компаниясының бас директоры Тимур Акмалиев — тыңдаушылармен тәжірибе алмасып, нақты ғылыми негізделген ұсыныстарын ортаға салды.
Семинарға зоотехниктер, ветеринарлар, кеңесшілер мен сүт фермаларының менеджерлері қатысты. Қатысушылар бұзаулардың өміршеңдігін арттыру, рацион құрастыру, метаболикалық бұзылыстардың алдын алу, маститпен күрес және басқа да өзекті тақырыптар бойынша пайдалы ақпарат алды. Бағдарлама аясында қатысушылар «Шин-Лайн» зауытына технологиялық экскурсия жасап, өндіріс барысымен танысты.
