«Шин-Лайн» зауытында «Фермер мектебі» өтті
18 наурыз күні Алматы қаласында «Шин-Лайн» зауытының аумағында сүт жеткізушілердің серіктестік желісін дамыту аясында жүзеге асырылып жатқан «Фермер мектебі» білім беру жобасының кезекті іс-шарасы өтті.
Іс-шара фермерлерді, сүт өндірушілерді, қайта өңдеушілерді және технологиялық серіктестерді біріктірді. Қатысушылар саладағы өзекті мәселелерді талқылап, тәжірибе алмасты және сүт өндірісін дамытуға арналған заманауи шешімдермен танысты.
Биылғы жылы қолданбалы құралдарға ерекше назар аударылды: табынды тиімді басқару мен өнімділікті арттырудан бастап, инфрақұрылымдық шешімдер мен өндірістік нысандарды пайдалану мәселелеріне дейін қамтылды.
Agrotrust және Acrylicon серіктестерімен бірлесіп, қатысушылар нақты кейстерді талдап, жиі кездесетін қателіктер мен тиімді тәсілдерді талқылады, сондай-ақ өзекті сұрақтарына салалық сарапшылардан тікелей жауап алды.
«Фермер мектебі» дәстүрлі түрде кәсіби диалог, тәжірибе алмасу және серіктестік байланыстарды нығайту алаңы ретінде қызмет етіп, сүт саласының тұрақты дамуына ықпал етеді.
